DGEMs

Maluk sarani sira mak Kristu hadomi,

"Emosaun ema nian" - Fiar: Iha Evangelho ohin nian, Liurai Herodes, hetan sedusaun hosi Herodias nia oan-feto nia dansa, oferese ba nia rikusoin sorin hosi nia reinu, nu'udar rekompensa. Reflete: “Oferta hanesan ne’e emosionalmente komplikadu no ladiak. No, rejeisaun ba oferta hanesan ne’e; hanesan vingansa ba João, hodi tesi nia ulun; buat aat ida ne’ebé boot liu. Ita-nia emosaun sira “domina no kontrola” ita ka la’e?

22Wainhira Herodiade nia oan feto mai dansa, nia fo ksolok boot ba Herodes ho nia maluk sira ne’ebé tur iha meja. Tan ne'e, liurai dehan ba feto ne'e, “Husu buat naran de’it ne’ebé o hakarak, Ha’u sei fo ba o.” 23Nia dehan tan hodi jura, “Ha’u sei fo buat naran de’it  ne’ebé o sei husu, maski ha’u nia reinu nia sorin balun ida.” 24Feto ne'e sai hodi husu nia inan, “Ha’u sei husu sa los?” Nia hatan, “João Baptista nia ulun.” 25Feto ne'e halai kedas ba liurai hodi hateten, “Ha’u hakarak katak ita boot fo mai ha’u, ohin kedas, João Baptista nia ulun iha bandeja ida.” 26Liurai laran susar teb-tebes tan nia juramento no mos tamba nia maluk sira, nia lakohi la halo tuir nia. 27Nune’e, liurai haruka kedas soldadu ida atu lori João nia ulun. Ema ne’e la’o ba hodi tesi João nia ulun iha dadur laran. 28Tuir mai, nia lori fali ulun ne'e iha bandeja ida nia laran hodi fo nia ba feto. Feto ne'e fo fali nia ba nia inan. 29Wainhira João nia eskolante sira rona kona ba buat hirak ne'e, sira mai hodi lori nia isin mate hodi hakoi iha rate.