DGEMs

Maluk sarani sira mak Kristu hadomi,

"Fiar la kle’an": Iha Evangelho ohin nian, ema ida husu ba Jesus, "Nai, sei iha ema uitoan de'it maka hetan salvasaun?" Jesus fó hanoin maka'as ba nia, katak ita tenke moris ita-nia fiar ho vijilánsia no labele foti Maromak nia bensaun barak hanesan buat baibain de’it. Reflete: "Sala ida ne'ebé komún liu maka 'sala omisaun nian' hodi la hadomi Maromak ho laran tomak; no nune'e, ita moris ho fiar ne'ebé fraku?"

Odamatan kloot

22Jesus liu housi sidade no knua sira atu ba Jerusalem hodi hanorin. 23Ema ida husu ba Nia: “Na’i, ema uitoan de’it mak sei hetan maksoin?” Nia hatan ba sira: 24“Haka’as an atu tama liu housi odamatan kloot, basa Ha’u dehan ba imi katak ema barak sei koko atu tama, maibe sei la iha kbiit. 25Wainhira uma na’in hader hodi taka tiha ona odamatan, imi sei hamriik iha liur hodi tuku odamatan dehan: ‘Na’i, loke mai ami!’ Nia sei hatan: ‘Ha’u la hatene imi mai housi ne’ebé.’ 26Imi sei hahu dehan: ‘Uluk ami han hemu hamutuk ho Ita boot, no Ita boot hanorin iha ami nia prasa sira.’ 27Maibe Nia sei dehan ba imi: ‘Ha’u la hatene imi mai housi ne’ebé. Dook tiha housi ha’u nia oin, imi hotu ne’ebé halo aat!’ 28Iha neba ema sei ru’un nehan hodi tanis, wainhira imi sei hare Abraao, Isaac, Jacob no profeta sira hotu iha Maromak nia reinu, maibe ema sei duni sai imi ba liur. 29Ema sei mai housi loromonu no lorosa’e, housi tasimane no tasifeto, no sira sei tur han iha Maromak nia reinu. 30Sira ne’ebé ohin ikus sei sai uluk; no sira ne’ebé ohin uluk sei sai ikus fali.”