DGEMs

Maluk sarani sira mak Kristu hadomi,

“Hipokrizia – Fiar”: Iha Evangelho ohin nian, Jezús fó hanoin ba Ninia eskolante sira atu evita moris ita-nia fiar ho ihpokrizia; hanesan eskriba no farizeu sira. Hanoin kona-bá, “Ita hadomi Maromak ho sinseridade ne’ebé hakarak hahi’i, respeita no serbí Nia iha ita-nia moris loron-loron? Ka, Maromak iha importánsia sekundária iha ita-nia moris tanba ita liga ba ita-nia zona konfortu?”

Hasouru eskriba no fariseu sira

1Tuir mai Jesus koalia ba ema lubun boot no ba nia eskolante sira dehan: 2“Eskriba no fariseu sira tur iha Moises nia kadeira. 3Ne’e duni, simu ba hodi halo tuir buat hotu ne’ebé sira dehan ba imi; maibe keta tuir sira nia hahalok, basa sira koalia maibe la halo. 8Imi fali, keta husik ema hanaran imi ‘Rabbi’, basa imi nia Mestre ida de’it, no imi hotu mesa maun alin. 9Keta bolu ema ida aman iha rai, basa imi nia Aman ida de’it, ne’ebé iha lalehan. 10Keta husik ema hanaran imi doutor, basa imi nia doutor ida de’it: Kristu. 11Ida ne’ebé boot liu iha imi le’et sei sai imi nia atan. 12Ida ne’ebé foti an, Na’i sei hatun nia; ida ne’ebé haraik an, Na’i sei hahi nia.”