DGEMs

Maluk sarani sira mak Kristu hadomi,

“Maromak nia laran-luak” – Fiar: Iha Evangelho ohin nian, Jesus haklaken “Ai-knanoik kona-bá rai-na’in” hodi revela katak Maromak ita-nia Aman nia laran-luak ne’e rohan-laek no laiha kondisaun. Reflete: “Bainhira ita hirus ho ema ne’ebé halo hahalok la justu hasoru ita; ita ezije ita-nia direitu no justisa. Maibé, Jesus konvida ita atu ‘hakat liu’ ita-nia justisa ne’ebé malirin; no hadomi ema seluk ho laran-luak kle’an liu tan.”

Aiknanoik serbisu na’in sira nian

1“Reinu lalehan nian hanesan uma na’in ida ne’ebé sai iha dadersan atu halo kontratu ho ema serbisu na’in sira ba nia to’os uvas nian. 2Halo tiha kontratu ho sira loron ida denariu ida, nia haruka sira ba nia to’os. 7Nia husu ba sira: ‘Tan sa imi hamriik loron tomak iha ne’e la halo serbisu ruma?’ Sira hatan, ‘Ema la bolu ami.’ Nia dehan ba sira: ‘Imi mos ba ha’u nia to’os.’ 8Iha loraik, to’os na’in dehan ba mandor: ‘Bolu serbisu na’in sira hodi selu sira nia kolen, hahu housi sira ikus to’o sira uluk.’ 9Serbisu na’in sira ne’ebé mai tuku lima loraik hakbesik hodi simu ida-ida denariu ida. 10Wainhira sira ne’ebé uluk mai, sira Reflete atu simu liu maibe sira mos simu ida-ida denariu ida. 11Simu tiha osan, sira hamuun hasouru uma na’in hodi dehan: 12‘Sira ne’ebé ikus ne’e serbisu oras ida de’it, o selu sira hanesan ami, ne’ebé terus kole ho manas loron tomak.’ 13Nia hatan ba sira: ‘Ha’u belun, ha’u la hasouru ha’u lia ba o: ita la halo kontratu denariu ida ba loron ida? 14Ne’e duni, simu buat ne’ebé o nian hodi ba ona. Ha’u hakarak fo ba ida ikus ne’e hanesan ha’u fo ba o. 15Ha’u la bele halo nudar ha’u hakarak ho ha’u nia rikusoi? Ka o laran moras tamba ha’u laran diak?”16Nune’e sira ne’ebé ikus sei sai uluk, sira ne’ebé uluk sei sai ikus.