DGEMs

Maluk sarani sira mak Kristu hadomi,

“Maromak nia Domin Mizerikórdiozu”: Iha Evangelho ohin nian, Jesus konta “Ai-knanoik kona-bá Liurai Mizerikórdiozu” atu haklaken Aman nia Domin Mizerikórdia rohan-laek, ne’ebé sei tesi lia ba ita ho Mizerikórdia no Justisa, iha ita-nia julgamentu finál bainhira ita mate. Reflete: "Ita labele konsidera Maromak nia Domin Mizerikórdiozu nian hanesan buat baibain, no ita mós tenke hadomi ema seluk ho mizerikórdia, hanesan iha Maromak nia dalan sira."

Perdua dala hira

23“Tan ne’e, reinu lalehan nian hanesan liurai ida ne’ebé hakarak sisi tusan ba nia atan sira. 24Wainhira nia hahu sisi, sira lori mai ema ida ne’ebé iha tusan osan rihun sanulu. 25Tan nia la iha buat ida hodi selu, liurai haruka fa’an tiha nia ho nia feen, nia oan sira ho nia rikusoi sira hotu atu selu nia tusan. 26Atan ne’e monu ain ba nia hodi dehan: ‘Pasiensia uitoan ho ha’u, ha’u sei fo fali buat hotu ba o.’ 27Tan Reflete nia, atan ne’e nia na’i husik nia ba hodi kasu nia tusan. 28Wainhira atan ne’e sai housi neba, nia hetan nia maluk ida ne’ebé debe nia osan oan atus ida. Kaer tiha maluk ne’e, nia buti metin nia kakorok dehan: ‘Selu o nia tusan ba!’ 29Nia maluk monu ain ba nia hodi harohan: ‘Pasiensia uitoan ho ha’u, ha’u sei fo fali buat hotu ba o.’ 30Maibe nia lakohi sadia nia hodi haruka maluk ne’e ba dadur laran to’o nia selu nia tusan hotu. 31Nia maluk atan sira seluk hare tiha buat ne’e, ho neon susar ba haktuir ba sira na’i buat hotu ne’ebé mosu. 32Tuir mai, sira nia na’i haruka bolu nia hodi dehan ba nia: ‘Atan aat, ha’u kasu tiha o nia tusan tomak tan o husu ha’u; 33o la bele Reflete o nia maluk atan hanesan ha’u Reflete o?” 34Hafoin, hodi hirus, na’i fo nia ba dadur na’in sira to’o nia selu nia tusan hotu. 35Imi ida-ida la perdua ho laran imi nia maun alin karik, Ha’u Aman iha lalehan sei halo mos nune’e ba imi.”