DGEMs

Maluk sarani sira mak Kristu hadomi,

“Hasoru malu iha Maromak nia Naran” – Fiar: Iha Evangelho ohin nian, Jesus haklaken ba Nia eskolante sira, “Basá iha ne’ebé ema na’in rua ka tolu hasoru malu iha Ha’u nia Naran, Ha’u sei iha sira le’et, no, Ha’u sei fó ba imi buat hotu ne’ebé imi husu.” Reflete: “Iha konflitu relasaun ruma, nunka halo reasaun emosionál ou hirus nst. Ita mak uluk, atu buka Maromak nia vontade; no husu ba Nia matenek atu sai kle’an liu tan “hanesan Kristu”.

Hanorin malu

15“O nia maun eh alin sala karik hasouru o, ba koalia ho nia mesa-mesak hodi hatudu nia sala. Nia rona karik o, o manan ona o nia maun eh alin ne’e. 16Nia la rona karik o, ba lori tan ema ida ka rua atu lia hotu sai los hodi sasin na’in rua ka tolu nia liafuan. 17Nia lakohi rona karik ema sira ne’e, ba fo hatene ba kreda. Maibe nia lakohi rona kreda karik, hare ona nia nudar ema gentiu no ema publikanu ida. 18Tebes, Ha’u dehan ba imi: Buat hotu ne’ebé imi futu iha rai sei futu metin iha lalehan; buat hotu ne’ebé imi kore iha rai sei kore mos iha lalehan.”