19ª Semana Tempu Komun: Tersa-feira, loron 12, fulan Agostu, 2025, August 12, 2025

Reflection on the WORD

Maluk sarani sira mak Kristu hadomi,

 

“Boot Liu” iha Reinu Lalehan: Iha Evangelho ohin nian, Jesus haklaken, “Ema ne’ebé halo an ki’ik hanesan labarik ki’ik ne’e, no simu nia, nia mak boot liu iha Reinu Lalehan, nune’e, nunka hakribi sira.” Reflete: "Maromak valoriza tebes labarik ida, tanba nia fuan ne'ebé moos ne'ebé nakloke atu simu no obedese ba Maromak nia Lia-loos salvasaun nian. Ita hanesan labarik?"

 

Mt 18:1-5,10

Sé mak boot liu

1Iha oras neba, eskolante sira hakbesik ba Jesus hodi husu ba Nia: “Se mak boot liu iha reinu lalehan?” 2Nia bolu labarik ida, tau nia iha sira klaran 3hodi dehan ba sira: “Tebes, Ha’u dehan ba imi: imi la hakribi imi nia sala no sai hanesan labarik sira karik, imi sei la tama iha reinu lalehan. 4Ne’e duni, ema ne’ebé haraik an hanesan labarik ne’e, nia mak boot liu iha reinu lalehan. 5Ema ne’ebé simu labarik ida hanesan ne’e tan Ha’u nia naran, nia simu Ha’u. 

10“Keta hewai kiik oan sira ne’e ida, basa Ha’u dehan ba imi katak sira nia anju sira fihir nafatin Ha’u Aman lalehan nia futar oin. 

Today's Pointers on God's Word

As you read the passage what words, phases or meanings caught your attention?

  • Jesus hateten ho klareza katak Maromak nia Reinu pertense ba sira ne’ebé iha atitude labarik nian. Nu'udar ida-ne'e ita tenke esplora saída maka atitude hanesan labarik ne'ebé Jesus refere ba.
  • Labarik sira koñesidu nu’udar ema ne’ebé nakonu ho domin, haraik-an, simplisidade, perdua, fiar no esperansa iha ema seluk liuvliu iha Aman Inan.
  • Mai ita husu ba Maromak atu haraik mai ita grasa atu iha tendénsia hanesan labarik nian atu nune’e ita-nia moris iha mundu ne’e sei sentradu iha Maromak.