DGEMs

Maluk sarani sira mak Kristu hadomi,

"Ita-nia rikusoin sira" - Fiar: Iha Evangelho ohin nian, Jesus husu ba Ninia eskolante sira atu valoriza Maromak nia prezente moris Rohan-laek nu'udar sasán ne'ebé folin-boot liu iha sira nia moris. Reflete: “Sé mak ita hadomi liu; saída mak move ita-nia hakarak sira kle’an liu tan; no ita hein atu iha ne’ebé depois ita mate? Resposta hotu ba pergunta sira-ne’e bele kumpre de’it se, Maromak mak iha ita-nia moris no domin nia sentru.”

Neon moris hodi hein Na’i

35“Kesi metin imi nia futukabun no halo imi nia ahi oan lakan nafatin. 36Halo imi an hanesan ema sira ne’ebé hein sira nia na’in wainhira nia mai housi festa kaben nian, atu loke kedas odamatan iha oras ne’ebé nia to’o mai hodi tuku odamatan. 37Ksolok ba atan sira ne’ebé Na’i hetan hader hela wainhira Nia to’o. Tebes, Ha’u dehan ba imi katak, nia sei kesi hena ba nia knotak, sei halo sira tur iha meja, hafoin Nia sei liu housi sira le’et hodi serbi sira. 38Nia to’o mai karik iha ronda rua ka tolu, hodi hetan sira nune’e, ksolok duni ba sira. 39Imi rona di-diak ba: uma na’in hatene karik tuku hira mak na’okten atu mai, nia sei la husik nia tama iha nia uma. 40Imi hein hela ba, basa iha oras ne’ebé imi la Reflete kona, Oan Mane sei hiit an mai.”