DGEMs

Maluk sarani sira mak Kristu hadomi,

"Sé maka Jesus ba ha'u" - Fiar: Iha Evangelho ohin nian, Jesus presiza hatene se Ninia apóstolu sira iha fiar divina katak Nia maka Mesias. Bainhira Pedro hatan “Ita mak Kristu, Maromak Moris nia Oan”, ida ne’e lori ksolok boot ba Jesus. Reflete: "Saída maka ita-nia resposta, se Jesus husu mai ita ohin, 'Imi dehan ha'u sé?" Ita-nia relasaun ho Jesus pesoál no kle’an ka lae?”

Pedro nia fiar

13To’o tiha rai Sesareia Filipe nian, Jesus husu ba nia eskolante sira: “Ema sira dehan Oan Mane ne’e se los?”  14Sira hatan; “Balun dehan katak Nia mak João Baptista, seluk katak Elias, seluk fali katak Jeremias ka profeta ruma.” 15Jesus dehan ba sira; “Imi fali? Imi dehan Ha’u se?” 16Simao Pedro simu hodi dehan: “Ita Boot mak Kristu, Maromak moris nia Oan.” 17Jesus hatan ba nia : “Ksolok ba o, Simao, Jonas nia oan, basa la’os isin ka ran mak hatudu buat ne’e ba o, maibe Ha’u nia Aman ne’ebé iha lalehan. 18Ha’u dehan fali ba o, ‘O Pedro, no iha fatuk ne’e nia leten Ha’u sei harí Ha’u nia kreda; infernu nia odamatan sira sei la bele halo buat ida hasouru nia. 19Ha’u sei fo siabe reinu lalehan nian ba o; buat hotu ne’ebé o futu iha rai, sei futu mos iha lalehan; no buat hotu ne’ebé o kore iha rai, sei kore mos iha lalehan.’” 20Hafoin Nia haruka nia eskolante sira atu la bele dehan ba ema ida katak Nia mak Kristu.