DGEMs

Maluk sarani sira mak Kristu hadomi,

“Jesus nia transfigurasaun” – Fiar: Iha Evangelho ohin nian, Jesus hatudu Ninia Divindade ba Pedro, Tiago no João liu husi Ninia Transfigurasaun. No Jesus nia Aman mós afirma Nia hanesan “Ida ne’e mak Ha’u nia Oan doben; rona Nia ba!”. Reflete: "Lia-loos divinu hanesan ne'e labele sai klaru liu no la hetan iha relijiaun sira seluk iha mundu? Ita hetan bensaun tebes atu iha Jesus nu'udar Salvadór no Maromak."

Jesus nakfila an

28Besik loron ualu liu tiha Jesus hateten liafuan hirak ne’e, Nia lori Pedro, João no Tiago hamutuk no Nia hodi sa’e ba foho ida atu harohan. 29Nia sei harohan dau-daun, Nia oin nakfila an; Nia unuk nabilan teb-tebes. 30Teki-teki mane na’i rua mosu mai, koalia ho Nia: Moises no Elias, 31ne’ebé mosu ho kmanek wa’in; sira koalia kona ba Nia hiit An ba ne’ebé Nia sei hala’o iha Jerusalem. 32Pedro ho nia maluk sira matan dukur liu; maibe, hader tiha, sira hare nia gloria no mos mane na’in rua ne’ebé hamutuk ho Nia. 33Wainhira na’in rua ne’e sai dau-daun, Pedro dehan ba Jesus: “Mestre, diak tebes katak ami hela iha ne’e; husik ami halo takabaluk tolu: ida ba Ita, ida ba Moises no ida ba Elias.” Nia la hatene atu hateten sa. 34Nia sei koalia dau-daun, kalohan ida mosu mai hodi taka sira. Wainhira sira tama iha kalohan laran, sira tauk. 35Housi kalohan lia ida dehan: “Ida ne’e mak Ha’u nia Oan doben; rona Nia ba!” 36Lia ne’e koalia tiha, Jesus hela mesak. Eskolante sira nonok no iha loron hirak neba sira la dehan ba ema ida buat ne’ebé sira hare.