DGEMs

Maluk sarani sira mak Kristu hadomi,

"Pedro nia Fiar": Iha Evangelho ohin nian, Pedro nia fiar kle’an iha Jesus halo nia bolu ba Jesus, no hafoin tun hosi ró, no la'o iha laloran ne'ebé maka'as. Reflete: "Ita-nia fiar iha Jesus kle'an ka la’e? Ita subar iha 'seguransa falsa' sira iha ita-nia moris, exemplu rikusoin materiál, susesu sekulár sira nst ka ita harí ita-nia 'seguransa loloos' iha Jesús, hanesan Pedro? Reza ba grasa atu fiar iha Jesus kle’an liu tan."

Jesus la’o iha be leten

22Tuir mai Jesus haruka eskolante sira sa’e ro hodi ba uluk tasi sorin ba; Nia fali haruka ema lubun fila ba uma. 23Haruka tiha sira ba uma, Nia sa’e ba foho atu harohan mesa-mesak. To’o kalan, Nia mesak de’it iha neba. 24Ró fali kilometro ruma ona iha tasi klaran, laloran baku maka’as, basa anin hu’u hasouru. 25To’o kalan fahe ba haat, Nia hakbesik ba sira hodi la’o iha tasi leten. 26Hare tiha Nia la’o iha tasi leten, eskolante sira tauk hodi dehan: “Rai na’in ida!” Sira hakilar ho tauk. 27Jesus koalia kedas ba sira dehan: “Hakmatek ba! Ha’u mak ne’e: keta tauk!” 28Ne’e duni Pedro hatan dehan: “Na’i, Ita Boot mak neba karik, haruka ha’u ba to’o Ita Boot housi laloran leten.” Ne’e duni, Jesus simu: “Mai!” 29Pedro tun housi ró hodi la’o iha laloran leten atu ba to’o Jesus. 30Maibe, hare anin hu’u maka’as, nia tauk hodi hahu mout. Nia hakilar. “Na’i, soi ha’u!” 31Jesus lolo liman kedas ba nia hodi kaer nia dehan: “Ema fiar kiik, tansa o laran namlele?” 32Sira tama tiha ba ró laran, anin kmaus tiha. 33Sira ne’ebé iha ro laran monu iha Jesus nia oin hodi dehan: “Tebes duni, Ita Boot Maromak nia Oan Mane.” 34Hakur tiha tasi, sira tun ba rai Genesare. 35Hatene tiha Nia, ema sira rai neba nian ba fó hatene ba maluk sira iha fatin hotu. Sira lori ba Nia moras sira hotu, 36hodi husu ba Nia atu husik netik sira kona nia tais ninin. No sira ne’ebé kona, hetan isin diak.