DGEMs

Maluk sarani sira mak Kristu hadomi, 

"Ita ema nia planu sira" - Frajilidade - Fiar: Iha Evangelho ohin nian, Jesus haklaken ho klaru katak ita-nia moris "frajil" tamba ita bele mate iha tempu ne'ebé de'it. Realidade umana ida-ne'e bele halo ita hakfodak ho moras derrepente, asidente, krize sira iha família nst. Reflete: "Maromak ko'alia ho ita Loron-loron, se ita prontu atu diserne no deskobre nia hakarak no dalan sira. Matenek ne’e mak tau Maromak iha sentru iha ita-nia moris. Ita moris ho matenek hanesan ne'e?"

Keta Reflete resin rikusoi

13Housi ema lubun boot, ema ida dehan ba Nia: “Mestre, hateten ba ha’u nia maun atu fahe ami nia liman rohan.” 14Nia hatan: “Belun, se mak foti Ha’u atu tesi lia kona ba imi?” 15Hafoin Nia dehan ba sira: “Imi hare ba, keta kaan rikusoi, basa, la’os ema nia rikusoi mak halo ema moris liu.” 16Tuir mai, Nia haktuir ba sira aiknanoik ida ne’e: “Ema riku ida hetan aihan barak housi nia to’os. 17Nia Reflete hodi dehan ba nia an: ‘Ha’u sei halo sa los? Basa ha’u fatin la iha atu rai ha’u nia aihan sira.’ 18Hafoin nia dehan: ‘Ha’u sei halo nune’e: ha’u sei sobu ha’u nia aihan fatin hodi harii ida seluk boot liu fali ida ne’e; iha neba ha’u sei rai aifuan hotu to’os nian ho ha’u nia rikusoi tomak. 19No ha’u sei dehan ba ha’u nia klamar: ‘Ha’u klamar, o iha sasan barak ne’ebé rai hela ba tinan wa’in; hakmatek ba, han hemu hodi haksolok ba.’ 20Maibe Maromak dehan ba nia: ‘Beikten! Iha kalan ne’e  kedas Ha’u sei bolu o nia klamar; sasan sira ne’ebé o rai hela sei sai se nian?’ 21Nune’e mos sei mosu ba ema ne’ebé rai hela rikusoi ba nia an, maibe la sai riku ba Maromak.”