17ª Semana Tempu Komún: Wednesday, loron 30 fulan Jullu, 2025, July 30, 2025

Reflection on the WORD

Maluk sira mak Kristu hadomi,

 

“Maromak Nia Reinu”-Fiar: Iha Evangelho ohin nian, Jesus haklaken kona-ba “ai-knanoik fatuk murak ida ne’ebé subar hela” hodi fó hanoin mai ita katak Maromak Nia Reinu mak riku-soin ne’ebé nia valor boot teb-tebes ita bele hetan iha ita nia moris. Reflete, labele monu ba lia bosok hosi fantasia falsasiramundu sekular nian hanesan buka glória ba an rasik no gratifikasaun sira. Sira labele fo mai ita dame ne’ebé profunda no satisfasaun ne’ebé ita hamrook ba.

Mt 13:44-46

Ai-knanoik osan mean, fatuk murak no dai nian

44“Reinu lalehan nian hanesan murak ida nebe subar hela iha to’os laran nebe ema ida hetan hodi haksubar fali. Ho ksolok boot nia fa’an buat hotu nebe nia iha hodi sosa to’os ne’e.”  45“Reinu lalehan nian hanesan kontratu na’in ida nebe buka fatuk murak sira. 46Hetan tiha ida nebe folin boot, nia fa’an tiha buat hotu nebe nia iha hodi sosa fatuk murak ne’e.”

Today's Pointers on God's Word

As you read the passage what words, phases or meanings caught your attention?

  • Ita nia relasaun ho Jesus presiozu to’o ne’ebé ona? Ba ema balun, sira prontu atu husi buat hotu iha moris ba Jesus. Ba ema seluk, sira hakarak relasaun ida ne’e, maibé sira sempre buka razaun no justifikasaun sira hodi “la husik buat hotu” ba Jesus. 
  • Wainhira ita tama ba iha relasaun presiozu ida ne’e ho Maromak, iha ne’ebá bele dezafiadu tebes, ita tenke hanoin katak ida ne’e Maromak mak sustenta no haraik mai ita. Ita iha tendénsia atu haluha lia-los ne’e.  
  • Ita rona ona istória los barak hosi ema bai-bain sira hanesan ita ne’ebé bele “fó buat hotu ba Jesus.” Ita bele halo hanesan ne’e iha ita nia moris lor-loron?