Santa Marta: Tersa-feira, 29 Jullu, 2025, July 29, 2025
Reflection on the WORD
Maluk sira mak Kristu hadomi,
“Maromak Nia hakarak-Fiar”: Iha Evangelho ohin nian, Marta preokupa tebes ho nia ospitalidade atu serbí Jesus. Maibé Maria tuur no rona Jesus. Jesus hahí Maria, basá nia hili opsaun ne’ebé di’ak liu. Reflete, ita preokupa ho halo buat barak, eseptu halo Maromak Nia hakarak?Halo buat di’ak barak de’it, labele nesesariamente tulun ita krese iha Maromak Nia sabedoria no santidade.”
Lk 10:38-42
Marta no Maria
38Tuir dalan, Jesus to’o knua ida. Feto ida naran Marta simu Nia iha nia uma. 39Marta iha feton ida naran Maria, nebe tur deit iha Jesus nia ain hodi rona Nia koalia. 40Marta fali, nebe la’o ba la’o mai hodi serbisu barak, hakbesik hodi dehan: “Na’i, Ita la hare katak ha’u nia alin husik ha’u serbisu mesa-mesak? Dehan to’ok ba nia atu tulun ha’u.” 41Na’i hatan ba nia: “Marta, Marta, o la’o kole hodi hanoin resin kona ba buat barak; maibe buat ida deit mak folin los. 42Maria hili buat nebe diak liu hotu, nebe ema ida sei la hadau housi nia.”
Today's Pointers on God's Word
As you read the passage what words, phases or meanings caught your attention?
- Enkuantu Jesus komenta katak Marta “distraídu,” Nia la kondena Marta tanba ospitalidade ne’ebé profunda. Maibé, Marta preokupadu no stresadu liu ba buat ne’ebé nia halo hodi manifesta nia ospitalidade.
- Nune’e mos, ita sente ita nia-an dada ba distrasaun hanesan ne’e iha moris ka lae? Iha parte di’ak liu iha moris mak atu rona buat ne’ebé Maromak hakarak dehan mai ita. Buat ne’ebé Nia hakarak ita atu halo ba Nia no oinsá Nia hakarak ita atu serbí Nia.
-
Ita ida-idak dezafiadu atu hakonu ita nia-an ho Maromak Nia Futar Lia-fuan iha ita nia moris. Ita presiza kria “espasu no silénsiu” iha ita nia moris lor-loron. Iha momentu sira solidaun mak Maromak Nia Futar Lia-fuan bele tama borus ba ita nia fuan.