DGEMs

Maluk sira mak Kristu hadomi,

“Maromak Nia mehi ba Ita”-Fiar: Iha Jesus Nia “ai-knanoik kona-ba Mustarda musan,” Jesus haklaken katak Maromak haraik ona bensaun ba ema ida-idak ho poténsia boot tebes atu krese iha santidade wainhira ita moris tuir Na’i Nia hakarak iha Nia Reinu. Reflete, hodi moris nune’e, ita sei hasoru buat boot no krese iha matenek ne’ebé liu-fali ita ema nia kapasidade ne’ebe limitadu sira.

Aiknanoik mustarda musan no fermentu nian

31Jesus haktuir tan aiknanoik ida ba sira: “Reinu lalehan nian hanesan mustarda musan ida nebe ema kuda iha nia to’os. 32Musan ne’e kiik liu musan sira hotu; maibe boot mai, nia moris boot liu hotu, to’o sai aihun nebe manu sira lalehan nian mai hamahan an iha nia sanak sira.”33Nia dehan tan aiknanoik seluk ba sira: “Reinu lalehan nian hanesan fermentu nebe feto ida kahur ho farina sasukat tolu, to’o nia sa’e di-diak.” 34Buat ne’e hotu Jesus dehan ba ema lubun boot ho aiknanoik sira; la ho aiknanoik mak Nia la koalia ba sira. 35Nune’e buat nebe uluk profeta dehan sai tuir duni: “Ha’u sei loke Ha’u ibun ho aiknanoik, Ha’u sei haklaken buat sira nebe subar houri mundu hahu.”