17ª Semana Tempu Komún: Domingu, loron 27 fulan Jullu, 2025, July 27, 2025
Reflection on the WORD
Maluk sira mak Kristu hadomi,
“Harohan ba Maromak ita nia Aman”: Iha Evangelho ohin nian, Jesus hanorin Nia eskolante sira atu reza. Nia hanorin sira atu glorifika Aman Maromak no reza hodi husu Maromak Nia hakarak ba buat ne’ebé sira presiza; husu Maromak Nia Perdaun no Nia protesaun hosi tentasaun hotu. Reflete, “Wainhira ita nia relasaun ho Maromak ita Nia Aman ho haraik-an no nakloke-an, Nia sei nunka failla atu haraik mai ita buat di’ak tebes ba ita nia moris rohan laek.”
Lk 11:1-6, 8-9
Jesus hanorin atu hamulak
1Loron ida, Nia harohan iha fatin ida. Hotu tiha, nia eskolante ida hateten ba Nia: “Na’i, hanorin ami atu harohan hanesan Joao Baptista hanorin nia eskolante sira.” 2Nia dehan ba sira: “Wainhira imi harohan, hateten nune’e: ‘Aman, tulun ema atu hahi Ita naran. Halo Ita nia reinu to’o mai ami. 3Haraik aihan loron loron nian mai ami. 4Haraik perdua mai ami sala, nudar ami perdua ema nebe halo aat ami. Labele husik ami monu ba babeur.’” 5Nia dehan tan ba sira: “Imi ida iha belun ida karik nebe iha kalan boot ba hateten ba nia: 6 ‘Belun, fo netik paun fuan tolu mai, basa ha’u nia belun foin to’o mai housi dook no ha’u la iha buat ida atu fo ba nia.’ 8Ha’u dehan ba imi katak, maski nia sei la hader hodi fo tamba sira belun malu, nia sei fo duni buat hotu nebe nia belun kuran tamba nia husu fila fila. 9Ne’e duni, Ha’u dehan ba imi: husu ba, imi sei simu; buka ba, imi sei hetan; tuku odamatan ba, odamatan sei nakloke ba imi.
Today's Pointers on God's Word
As you read the passage what words, phases or meanings caught your attention?
- Jesus hanorin ita atu persistente wainhira harohan ba Aman Maromak iha ita nia orasaun sira. Jesus hakarak teb-tebes ita atu reza ba ai-han espiritual nian lor-loron, atu perdua no hetan perdaun hodi salva ita hosi susar (provasaun) sira ne’ebé la nesesáriu.
- Maibé Jesus asegura ita katak saida mak ita husu ba Nia Aman, Nia sei haraik mai ita; katak ita buka no ita sei hetan; ita dere no odamatan sei nakloke ba ita.”
-
Wainhira ita estabele relasaun ho Maromak, ita estabelese relasaun ho Ser absoluta ne’ebé kbiit tomak na’in no Nia domin ba ita inkondisional. Tan ne’e, ita bele fiar katak Maromak sei simu ita, tuir buat ne’ebé ita nia-an iha. Nia hatene ita nia nesesidade sira, maibé Nia espeta ita atu husu ho laran tomak ba buat ne’ebé ita presiza. Nune’e, Nia sei haraik duni mai ita, buat ne’ebé di’ak liu mai ita no ba ita nia salvasaun.