DGEMs

Maluk sira mak Kristu hadomi,

“Ita nia kompromisu ba Maromak”: Iha Evangelho ohin nian, “Ai-knanoik kona-ba ema ne’ebé kari fini” deskreve oinsá fini balun monu iha dalan ninin, seluk monu iha fatuk laran, seluk tan monu iha ai-tarak laranno seluk liu monu ba rai di’ak”. Reflete, ita nia fiar, esperansa no domin ba Maromak kle’an ona ka lae? Tentasaun sira hafraku ita nia kompromisu ka ita ultrapasa tentasaun sira no moris ne’ebé fo fuanno nia sentru mak iha Kristu?

Ai-knanoik kona ba ema nebe kari fini

1Iha loron hirak neba Jesus sai housi uma hodi tur iha tasi ibun. 2Ema barak teb-tebes mai hale’u Nia; tan ne’e Nia tur iha ro ida nia laran, ema lubun boot tur iha tasi ibun. 3Nia hanorin buat barak ba sira ho aiknanoik dehan: “To’os na’in ida ba kari fini iha to’os laran. 4Nia kari fini dau-daun, balun monu iha dalan ninin, manu sira mai han. 5Fini seluk monu iha fatuk laran iha nebe rai uitoan deit; sira ne’e moris kedas basa rai la dun klean; 6maibe loron sa’e, sunu tiha sira tan abut la iha, hafoin sira sai maran. 7Fini seluk monu iha aitarak klaran; aitarak sira moris mai, hanehan sira to’o mate. 8Fini seluk monu iha rai diak hodi fo fuan: balun dala atus ida, seluk ne’en nulu; seluk fali tolu nulu. 9Ema nebe iha tilun, rona ba!”