16ª Semana Tempu Komún: Segunda-feira, loron 21 fulan Jullu, 2025, July 21, 2025

Reflection on the WORD

Maluk sira mak Kristu hadomi,

 

“Fiar Hipókrita”:Iha Evangelho ohin nian, Eskriba sira no Farizeu sira husu Jesus kona-ba sinal milagroza ida. Jesus rejeita atu fo no haksi’ak sira tanba sira nia laran la mos no ipokrizia(laran makerek/munafik). Reflete, ita prátika ita nia fiar ho sinseridade hodi buka no moris tuir Maromak Nia hakarak? Maromak la espekta ita atu sai perfeitu. Nia hakarak de’it atu ita sinseru (laran mos) iha ita nia domin ba Nia.

Mt 12:38-42

Sinal Jonas nian

38Iha oras ne’e eskriba no fariseu balun dehan ba Nia: “Mestre, ami hakarak hare sinal ida housi Ita.” 39Nia hatan ba sira: “Ema laran aat no sala foer na’in husu sinal ida; maibe sei la fo sinal ida ba nia; sei fo deit sinal profeta Jonas nian. 40Hanesan Jonas hela iha ikan boot nia kabun laran ba loron tolu no kalan tolu, nune’e mos Oan Mane sei hela iha rai laran ba loron tolu no kalan tolu. 

41Iha loron justisa nian, ema Ninive sira sei hamriik hasouru derasaun ne’e hodi tesi lia todan ba nia, basa sira halo penitensia wainhira sira rona Jonas nia liafuan; maibe iha ne’e iha Ida nebe boot liu fali Jonas. 42Iha loron justisa nian, liurai feto reinu tasi mane nian sei hamriik hasouru derasaun ne’e hodi tesi lia todan ba nia, basa nia mai housi rai ikun atu rona Salomao nia matenek; maibe iha ne’e iha Ida nebe boot liu fali Salomao!”

Today's Pointers on God's Word

As you read the passage what words, phases or meanings caught your attention?

  • Jesus dehan ba Farizeu sira, “ida ne’e ema jerasaun aat no infiel ne’ebé husu sinal ida! Ida ne’e laos katak Jesus kontra tebes sira tanba sira husu sinal sira, maibé tanba sira lakoi simu Lia-los ne’ebé revela ba sira.  
  • Saida mak Jesus sei dehan se Nia atu la’o iha estrada sira iha ita nia sidade, horon buat iss hosi fatin sira ema kiak hela ba no tama ba intimidade iha ita nia uma rasik, ohin? Nia sei hahí ita tanba ita nia fiar ka Nia sei haksi’ak ita tanba ita lakoi loke ita nia fuan ba Nia Lia-los sira? 
  • Reza ba grasa sabedoria nian atu loke liu-tan ita nia fuan no uma ba Lia-los ne’ebé Jesus hakarak haraik mai ita lor-loron.