DGEMs

Maluk sira mak Kristu hadomi,

“Kontemplasaun iha Asaun”-Fiar: Iha istória Evangelho ohin nian kona-ba Marta no Maria, ita hetan konvite atu moris ho disernimentu hodi kontempla Maromak Nia hakarak no dalan sira no prátika sira iha ita nia moris lor-loron nian. Reflete, wainhira ita halo di’ak, ita sai ema ne’ebé di’ak; maibé wainhira ita diserne no moris tuir Maromak Nia hakarak no dalan sira, ita moris santu.”

Marta no Maria

38Tuir dalan, Jesus to’o knua ida. Feto ida naran Marta simu Nia iha nia uma. 39Marta iha feton ida naran Maria, nebe tur deit iha Jesus nia ain hodi rona Nia koalia. 40Marta fali, nebe la’o ba la’o mai hodi serbisu barak, hakbesik hodi dehan: “Na’i, Ita la hare katak ha’u nia alin husik ha’u serbisu mesa-mesak? Dehan to’ok ba nia atu tulun ha’u.” 41Na’i hatan ba nia: “Marta, Marta, o la’o kole hodi hanoin resin kona ba buat barak; maibe buat ida deit mak folin los. 42Maria hili buat nebe diak liu hotu, nebe ema ida sei la hadau housi nia.”