15ª Semana Tempu Komún: Kuarta-feira, loron 16 fulan Jullu, 2025, July 16, 2025
Reflection on the WORD
Maluk sira mak Kristu hadomi,
“Aman Maromak Nia hakarak iha Jesus”-Fiar: Iha Evangelho ohin nian, Jesus glorifika Nia Aman iha Lalehan, basá Nia revela Ninia Lia-los salvasaun nian liu-hosi Jesus nu’udar Nia oan Mane ba ”labarik sira” no sira ne’ebé ema hewai iha sosiedade, duké revela ba ema matenek na’in sira. Reflete, buat hotu ne’ebé ita hatene kona-ba ita nia Aman Maromak relevadu (hatudu sai) liu-hosi Jesus. Maromak bolu ita atu loke ita nia-an ba Lia-los no responde ho haraik-an.”
Mt 11:25-27
Jesus ho Aman
25Iha oras neba Jesus dehan: “Aman, Na’i lalehan no rai nian, Ha’u hahi Ita tan Ita subar tiha buat hirak ne’e ba ema matenek no neon na’in sira hodi hatudu ba kiik oan sira. 26Los duni, Aman, tan Ita hakarak duni nune’e. 27Ha’u Aman tau tiha buat hot-hotu iha Ha’u liman; ema ida la hatene Oan, Aman deit mak hatene; nune’e mos ema ida la hatene Aman, Oan deit mak hatene, no mos ema nebe Oan hakarak hatudu ba nia.”
Today's Pointers on God's Word
As you read the passage what words, phases or meanings caught your attention?
- Atu iha virtude “haraik-an espiritual nian” mak atu hatene katak lahó Maromak ne’ebé sustenta nafatin ita, ita nu’udar rai-rahun ida iha mundu ne’e; Maromak de’it mak rohan laek, divinu no eternu.
- “Haraik-an espiritual mos lori ita ba rekoñese katak Maromak rohan laek hadomi ita rohan laek no hakarak ita atu hadomi Nia no Nia dalan sira ho fuan no neon tomak.
-
“Labarik inosente” ida iha hotu kualidade sira ne’ebé presiza atu krese iha virtude haraik-an espiritual nian. Ita iha ka lae? Reflete no halo lista ba kualidade sira ne’ebé ita iha, ne’ebé tulun ita krese iha haraik-an espiritual.