15ª Semana Tempu Komún: Segunda-feira, loron 14 fulan Jullu, 2025, July 14, 2025

Reflection on the WORD

Maluk sira mak Kristu hadomi,

 

“Moris ne’ebé Sentradu iha Maromak”-Fiar: Iha Evangelho ohin nian, Jesus fó instrusaun ba Nia apóstolu na’in sanulu resin rua katak sira nia domin ba Nia, nu’udar sira nia Na’i no maksoi, tenke tomak. No domin ida ne’e tenke hatudu liu-hosi asaun iha Apóstolu sira nia serbisu ba ema hotu, liu-liu, ema kiak no kbiit laek. Reflete, ita hadomi no serbí Jesus iha ema seluk ho laran tomak, kompaixaun no inkluzivu?”

Mt 10:37-42

Ema nebe hadomi nia aman ka nia inan liu fali Ha’u, nia la soi Ha’u; no ema nebe hadomi oan mane ka oan feto liu fali Ha’u la soi Ha’u. 38Ema nebe la lori nia krus hodi tuir Ha’u, nia la soi Ha’u. 39Ema nebe hadomi nia moris, sei lakon nia; no ema nebe lakon nia moris tamba Ha’u, sei hetan fali nia.”

40“Ema nebe simu imi, simu Ha’u; ema nebe simu Ha’u, simu Ida nebe haruka Ha’u mai. 41Ema nebe simu profeta ida tan nia profeta, ema ne’e sei simu kolen profeta nian. Ema nebe simu ema los ida tan nia ema los, ema ne’e sei simu kolen ema los nian. 42Ema nebe fo be malirin kopu ida deit mos ba kiik oan sira ne’e ida, tan nia Ha’u eskolante, tebes, Ha’u dehan ba imi: nia sei la lakon nia kolen.”

Today's Pointers on God's Word

As you read the passage what words, phases or meanings caught your attention?

  • Iha Evangelho ohin nian, Jesus dezafia ita atu ezamina ita nia fuan hodi determina sé mak ita hadomi uluk-nanai’in. Eskolante ida ne’ebé lolós, hadomi Maromak liu buat hotu no prontu atu husik buat hotu ba Nia. 
  • Jesus fó hanoin ita katak karik sei iha divizaun iha ita nia uma-laran wainhira ita tau uluk Maromak iha buat hotu ne’ebé ita halo; sira bele sai ita nia opozisaun hodi halo Maromak Nia hakarak. Oinsá ida ne’e los duni iha ita nia esperiénsia?
  • Jesus mos bolu ita sai laran di’ak no laran luak hanesan Nia ba ema se de’it, liu-liu ba sira ne’ebé iha nesesidade sira boot tebes. Maromak haré hahalok di’ak sira ita halo. Hadomi ema seluk tanba ita hadomi Maromak. Ita sempre iha motivu hanesan ne’e ka lae?