14ª Semana Tempu Komún: Sábadu, loron 12 fulan Jullu, 2025, July 12, 2025
Reflection on the WORD
Maluk sira mak Kristu hadomi,
“Fidelidade no Aten Barani iha Fiar”: Jesus haklaken ba Apóstolu na’in sanulu resin rua. Sira nunka bele ta’uk ema sira ne’ebé bele oho isin lolon, maibé la destroi sira nia klamar, ba infernu. Ita hotu mesak Aman Maromak Nia oan doben sira. Nia Domin mai ita rohan laek. Reflete, ita moris ho ta’uk tanba atu hetan moras, terus no mate? Ka ita konsentra ba iha hadomi, hahí no serbí ita nia Aman Maromak?”
Mt 10:28-33
Ta’uk deit Maromak
28“Keta tauk ema sira nebe oho isin lolon, maibe la bele oho klamar. Maibe tauk ba ida nebe bele halo lakon isin no klamar hotu iha infernu. 29Manu oan rua la fa’an ba doit ida? Maibe sira ida la monu ba rai wainhira imi Aman la husik. 30Imi nia fuuk iha ulun mos sura hotu. 31Ne’e duni, imi keta tauk, basa imi folin liu manu oan barak.” 32“Ne’e duni, ema nebe fo sasin karik kona ba Ha’u iha ema seluk nia oin, Ha’u mos sei sasin kona ba nia iha ha’u Aman nebe iha lalehan nia oin.
Today's Pointers on God's Word
As you read the passage what words, phases or meanings caught your attention?
- Iha Evangelho ohin nian, Jesus asegura ita katak Nia Aman sei proteje ita hosi perigu sira iha moris, basá ita ida-idak presiozu iha Nia futar matan.
- Tan ne’e, Aman Maromak bolu ita ida-idak atu iha korajen hodi prátika fiar iha Jesus ho fidelidade boot liu-tan no haklaken Nia liu-hosi ita nia maneira moris lor-loron nian.
-
Maske Na’i iha domin rohan laek ba ita hotu, ita nunka uza Nia tuir ita nia hakarak. Se ita hewai Nia liu-hosi ita nia dalan sira pekadu nian, ikus-mai ita sei ko’a buat ne’ebé ita kuda katak ita sei simu ninia konsekuénsia ne’ebé todan.