DGEMs

Maluk sira mak Kristu hadomi,

“Fiar iha Jesus”: IhaEvangelho ohin nian, Jesus halo moris hi'as labarik feto ida hosi mate no kura feto joven ida ne’ebé terus ran fakar durante tinan sanulu resin rua nia laran. Iha eventu rua ne’e, sira hatudu fiar tomak no fiar ne’ebé kle’an ba Jesus Nia Domin Kompasivu. Reflete, ita nia fiar kle’an ka lae? Ita nia fiar tenke sai maduru no kle’an lor-loron hodi nune’e bele prepara ita hodi hasoru krize sira iha futuru ne’ebé atu mai iha ita nia dalan moris nian.

Feto moras ran suli sai. Jairo nia oan feto.

18Wainhira Jesus koalia dau-daun ba sira, nai ulun ida hakbesik ba Nia hodi monu ain iha nia oin dehan:  “Ha’u nia oan feto foin mate; maibe Ita boot hiit An mai tau liman ba nia, nia sei moris.”  19Jesus hamriik hodi la’o tuir nia hamutuk ho eskolante sira.20Iha oras ne’e, feto ida nebe ran suli sai tinan sanulu resin rua ona, hakbesik ba Nia housi kotuk hodi kona nia tais ninin,  21basa nia dehan iha nia laran: “Ha’u kona karik nia tais, ha’u sei hetan isin diak.” 22Fila tiha ba kotuk, Jesus hare nia hodi dehan: “Ha’u nia oan, aten berani ba, o nia fiar soi ona o.” Iha oras ne’e kedas, feto ne’e hetan fali isin diak. 23Wainhira Nia to’o ba na’i ulun nia uma hodi hare ema hu’u flauta no ema barak seluk book an ba book an mai, Nia dehan; 24“Imi sai tiha, labarik la mate; nia toba deit.” Sira hamnasa Nia. 25Wainhira ema lubun sai ona, Nia tama ba laran, kaer labarik feto nia liman, no labarik feto ne’e hamriik. 26Liafuan kona ba buat ne’e naklekar iha rai tomak neba.