13ª Semana Tempu Komún: Sábadu loron 5 fulan Jullu, 2025, July 5, 2025
Reflection on the WORD
Maluk sira mak Kristu hadomi,
“Maromak Nia Prezensa-Salvasaun”:Iha Evangelho ohin nian, ita afirma Lia-Los katak Jesus mak Messias. Nia transforma ona buat hotu iha ita nia moris liu-hosi Lia-Foun Di’ak Salvasaun nian. Nia lori dame, ksolok, domin no esperansa foun ba iha ita nia moris no mundu. Reflete: Jesus salva ona ita no Nia bolu atu moris iha Nia Domin no Nia prezensa.”
Mt 9:14-17
14Liu tiha ne’e, Joao nia eskolante sira hakbesik ba Nia dehan: “Tansa mak ami ho fariseu sira hadera an, maibe o Nia eskolante sira lae?” 15Jesus hatan ba sira: “Noivu nia belun sira bele laran susar wainhira noivu sei hela ho sira? Loron sei to’o mai wainhira ema sei hasai noivu housi sira le’et; iha loron ne’e mak sira sei hadera an.”
16“Ema ida la bele taka hena tuan nia kuak ho hena foun, basa hena foun les hena tuan, halo kuak sai boot liu. 17Ema la tau tua foun iha kusi kulit tuan; lae karik, kusi kulit nakfera, tua nakfakar no kusi kulit aat hotu. Tau tua foun iha kusi kulit foun; nune’e buat rua ne’e la lakon.”
Today's Pointers on God's Word
As you read the passage what words, phases or meanings caught your attention?
- Jesus hakarak ita nia neon no fuan sai hanesan “tua fatin kulit foun”, nakloke no prontu atu husik Maromak Nia Futar Lia-fuan transforma ita nia moris.
- Nia la hakarak ita atu kaer-metin ba ita nia ábitu sira sala nian hanesan “tua fatin kulit tuan” ne’ebé reziste konversaun no moris rohan laek ho Maromak.
-
Se ita hakribi salan ho laran moras no kontrisaun iha ita nia fuan, Jesus asegura ita ba ksolok rohan laek ho Nia. Ita tenke iha serteza kona-ba Nia perdaun no domin.