DGEMs

Maluk sira mak Kristu hadomi,

“Ita-nia fiar ne’ebé kle’an”: Evangelho ohin nian, Jesus haktuir ba Nia discípulo sira, “Ema hotu ne’ebé rona Hau-nia Lia-fuan no halo tuir, hanesan ema diak ne’ebé harii nia uma iha fatuk leten.” Reflete; “Jesus fó hanoin ita atu hakle’an ita-nia fiar no domin ba Nia liu husi asaun konkreta sira iha moris; seluk husi koalia ‘lia mamuk sira’. Ita-nia fiar kle’an ka lae?”

Jesus liatun ba nia eskolante sira: “La’os ema hotu ne’ebé dehan mai Ha’u: ‘Na’i, Na’i!’ sei tama iha reinu lalehan, maibé nia de’it ne’ebé halo tuir Ha’u Aman iha lalehan nia hakarak. Ema barak sei dehan mai Ha’u iha loron neba: ‘Na’i, Na’i, la’os hodi Ita Boot nia naran mak ami si’ik nudar profeta, no hodi Ita naran mak duni sai tiha diabu sira, no mos halo milagre barak?’ Iha oras neba Ha’u sei hatan mo-mos ba sira: ‘Ha’u la hatene imi; hadook an tiha housi Ha’u,  imi sira ne’ebé halo aat.’”

          “Ne’e duni, ema ne’ebé rona Ha’u nia liafuan hirak ne’e hodi  moris tuir, nia hanesan ema matenek ne’ebé harii nia uma iha fatuk leten; udan tau, mota tun, anin hu’u hasouru uma ne’e, maibé uma la monu basa hamriik iha fatuk leten. Maibé, ema ne’ebé rona Ha’u nia liafuan hirak ne’e, no la halo tuir nia, nia hanesan ema beikten ne’ebé harii nia uma iha rai henek leten. Udan tau, mota tun, anin hu’u hasouru hodi sobu uma ne’e; uma ne’e monu. Nia rahun aat liu.”