DGEMs

Maluk sira mak Kristu hadomi,

“João Batista – Labarik misteriu”: Iha episódiu ba Evangelho ohin nian, moris João Batista la’os lori de’it hanesan bensaunwain ida ba Zechariah no Elizabeth. Nia moris ne’e mós nu’udar Mistériu Divinu ida ne’ebé revela Maromak nia Planu ba Salvasaun. Reflete; “oinsá ita hetan bensaun espesial husi Maromak no oinsá Maromak hakarak imi lori ema seluk besik liután ba Nia?”

Wainhira tempu to’o ona ba Isabel, nia tur ahi oan mane ida. Rona tiha katak Na’i hatudu laran luak boot ba nia, nia maluk no parenti sira haksolok ho nia. 

Liu tiha loron ualu, sira mai atu halo sirkunsisaun kosok oan nian. Sira hakarak hanaran nia Zacarias, tuir nia aman; maibé nia inan dehan: “Lae, nia naran Joao.” Sira dehan fali ba nia: “Iha imi nia parenti sira le’et la iha ema ida ho naran ne’e.” Tan ne’e, ho sinal oi-oin, sira husu ba nia aman: nia hakarak fo naran sa ba nia oan. Nia husu surat tahan ida hodi hakerek: “Nia naran Joao.” Sira hotu hakfodak. Zacarias nia ibun nakloke kedas, nia nanal mamar fali, nia koalia hodi hawelok Maromak. 

Labarik sai boot, nia laran metin liu tan. Nia horik iha rai fuik maran to’o loron ne’ebé nia hatudu an ba Israel.