DGEMs

Maluk sira mak Kristu hadomi,

“Hadomi Maromak ho fuan tomak” – Fiar: Evangelho ohin nian, Jesus haklaken ba ita Evangelho ne’ebé hanorin ita moris tuir Maromak nia hakarak no nia dalan sira. Hodi bele manan Moris Rohan-laek, nu’udar ita-nia objetivu ikus ba Moris. Nune’e, ho Espíritu Santu nia tulun, ita bele hader husi salan sira. Reflete; “ita iha dejezu atu tau Maromak hanesansentru ba ita-nia moris, ko’alia radikal ba moris, hodi bele sai husi difikuldade sira ne’ebé ita hasoru?”

Jesus liatun ba nia eskolante sira; “Imi rona ema dehan; ‘O keta sala ho ema nia kaben.’ Maibé Ha'u dehan ba imi; ‘Ema ne’ebé hateke ba feto ida hodi kaan nia, nia halo ona sala foer ho nia iha nia laran.’ Ne'e duni o nia matan los lori o ba sala karik, losu tiha nia hodi soe ba dook; lakon o nia matan ida diak liu fali monu ba infernu ho o nia isin lolon tomak.” “O nia liman los mak lori o ba sala karik, tesi tiha nia hodi soe ba dook; lakon o nia liman ida diak liu fali monu ba infernu laran ho isin lolon tomak. 

     Ema uluk dehan tan: ‘Ema ne’ebé soe nia feen, sei fo surat soe malu nian ba nia.’ Maibé Ha'u dehan ba imi: ‘Ema ne’ebé soe nia feen, la’os tan sala foer, halo nia feen monu ba adulteriu, no ema ne’ebé hola feto ne’ebé ema soe tiha, nia mos halo adulteriu.’”