DGEMs

Maluk sira mak Kristu hadomi,

“Rekonsiliasaun” – Fiar: Evangelho ohin, Jesus haklaken, “.....hadame malu ba ho ó-nia maun uluk, hafoin fila mai no hasa’e ó-nia buat karan.” Reflete; “ita-nia partisipasaun iha misa sira ne’e merese/pantas duni ba Maromak? Ita-nia moris ne’ebé konsistente ho ita-nia profisaun ba ita-nia fiar, domin no sebisu ba Maromak? Ita sai testemunha ba buat ne’ebé ita hahii iha Misa?

Basa ha'u dehan ba imi katak imi nia justisa la boot liu eskriba no fariseu sira nian karik, imi sei la tama iha reinu lalehan.”

“Imi rona katak uluk ema dehan ba ita nia bei ala sira: ‘Keta oho; no ema sei tesi lia ba ida ne’ebé oho.’  Ha'u fali dehan ba imi; ‘Ema ne’ebé laran nakali hasouru nia maun alin sira, ema sei tesi lia hasouru nia; ema ne’ebé dehan ba nia maun alin: ‘beik’ sei hatan iha Sinedriu; no ema ne’ebé dehan ‘bulak’ sei trus iha ahi infernu nian.’ Ne'e duni, wainhira o atu hasa'e o nia buat karan iha altar no hanoin fali iha neba katak o nia maun alin iha buat ruma hasouru o, husik lai o nia buat karan iha altar oin hodi ba uluk dame malu ho nia, hafoin mai hasa'e o nia buat karan. Buka dame malu lalais ho ema ne’ebé kontra o wainhira imi la'o hamutuk ba tribunal; lae karik, nia bele saran o ba juiz, juiz saran fali o ba guarda, no guarda hatama o ba kadeia. Tebes, Ha'u dehan ba o, o sei la sai housi neba to'o o selu hotu.”