DGEMs

Maluk sira mak Kristu hadomi,

“Apostolu, João” – Fiar: Evangelho ohin nian deskreve kona-bá João, hanesan Jesus nia Apóstolu ne’ebé diak, "ida ne’ebé garante buat sira ne’ebé justu ka "Lia-loos", no hakerek nanis ona, no ita hatene katak nia sasin loos." Reflete; “Maromak nia Liafuan iha Bíblia fó sasin kona-bá Jesus Mesias nia mak Lia-loos. Espíritu Santu prezerva apóstolu sira-nia fiar, husi sala sira.”

 Pedro fila hodi hare katak eskolante ne’ebé Jesus hadomi tuir sira, katak, ida ne’ebé sader ba Jesus nia hirus matan wainhira sira han hodi dehan: “Na’i, se los mak sei saran Ita ba mate?” Ne’e duni, hare tiha nia, Pedro husu ba Jesus: “Na’i, kona ba nia sa ida?” Jesus hatan: “Ha’u hakarak karik katak nia hela to’o Ha’u fila mai, ne’e sa ida ba o? O tuir de’it Ha’u ba!” 

           Housi ne’e mosu lia ida iha eskolante sira leet katak eskolante ida ne’e sei la mate. Maibé Jesus la dehan ba Pedro, “Nia sei la mate;” Nia dehan de’it “Ha’u hakarak karik nia hela to’o Ha’u fila mai, ne’e sa ida ba o?” Ida ne’e mak eskolante ne’ebé fo sasin kona ba buat hirak ne’e, no hakerek tiha buat hirak ne’e, no ami hatene katak nia sasin los.