7a Semana Tempu Páscoa: Quinta-feira, loron 05 fulan Juñu, 2025, June 5, 2025

Reflection on the WORD

Maluk sira mak Kristu hadomi,

 

“Konversaun sira ba Fiar”: Iha Evangelho ohin nian, Jesus harohan ba Nia Aman, "Ha'u harohan la’os de'it ba sira ne’ebé sai ha’u nia discípulu sir), maibé mós ba sira ne’ebé liu hosi sira nia hanorin sei fiar iha Ha'u." Reflete; “Ema barak hakarak tebes Lia-loos Salvasaun Rohan-Laek nian. Maibé, sira presiza sasin loloos; atu manán sira-nia prejuizu no matan-delek ba Lia-loos Salvasaun nian.”

Jo 17:20-24

Jesus foti matan ba lalehan no harohan: “Ha’u la harohan de’it ba sira ne’e, maibé mos ba sira ne’ebé sei fiar iha Ha’u tan sira ne’e nia liafuan; atu sira hotu sai ida de’it nudar Ita, Aman, horik iha Ha’u, no Ha’u iha Ita; atu sira mos hela iha Ita Na’in rua, nune’e mundu bele fiar katak Ita mak haruka Ha’u mai. 

             Ha’u fo ona ba sira gloria ne’ebé Ita fo mai Ha’u, atu sira sai ida de’it, nudar Ita Na’in rua ida de’it. Ha’u iha sira, no Ita iha Ha’u; atu sira laran ida de’it teb-tebes, nune’e mak mundu sei hatene katak Ita mak haruka Ha’u mai, no mos katak Ita hadomi sira nudar Ita hadomi Ha’u. 

              Aman, Ha’u hakarak katak sira mos ne’ebé Ita fo mai Ha’u, hela hamutuk ho Ha’u iha fatin ne’ebé Ha’u hela; atu sira bele hare Ha’u nia gloria ne’ebé Ita fo tiha mai Ha’u tan Ita hadomi Ha’u molok mundu hahu.

Today's Pointers on God's Word

As you read the passage what words, phases or meanings caught your attention?

  • Ema tokon ba tokon iha mundo ne’e seidauk hatene Jesus nu’udar ita nia Salvador no Na’i ne’ebé haraik mai ita moris rohan la’ek. 
  • Ita ema Kristaun hetan ona “bensaun” hodi simu prezente hanesan iha fiar ida.  Jesus nia orasaun ba Nia Aman ne’e expresa Nia preokupasaun no kompaixaun ne’ebé kle’an ne’ebé ema ida sei la lakon; katak ema hotu sei hetan moris rohan la’ek.
  • Nu’udar “herdeiro” husi prezente fiar ida ne’e ne’ebé passa mai ita Apóstolo sira, Maromak tau neon ba ita atu kontinua Lialos Kristu nian ida ne’e ba ema hotu. Se maka ema sira ne’ebé iha espírito insentiva ita boot atu too ba sira iha loron ohin?