DGEMs

Maluk sira mak Kristu hadomi,

“Eskolante sira - Konsagradu iha Lia-loos”: Iha Evangelho ohin nian, Jesus harohan ba Nia eskolante sira, “Aman Santu, proteje sira husi ida ne’ebé Aat, sira la’ós mundu nian, konsagra sira iha Lia-loos, Ita-nia Liafuan mak Lia-loos.” Reflete; “Bainhira ita serbí Maromak nia povu, ita presiza Ninia Domin no Matenek ne’ebé proteje espesiál; atu fó sasin ba ema seluk hodi hakbesik Nia.”

Jesus foti matan ba lalehan no harohan; “tau matan ba sira iha Ita naran ne’ebé ita haraik mai Ha’u, atu sira sai ida de’it nudar Ita ho Ha’u ida de’it.

          Ha’u la husu atu Ita hasai sira housi mundu, maibé atu Ita hadook sira housi Aat Na’in. Sira la’os mundu ne’e nian nudar Ha’u mos la’os mundu ne’e nian. Halo sira santu iha lialos. Ita nia liafuan mak lialos. Nudar Ita haruka Ha’u mai iha mundu, nune’e mos Ha’u haruka sira ba mundu. No tamba sira mak Ha’u halo An santu, atu sira mos bele sai santu iha lialos.”