DGEMs

Maluk sira mak Kristu hadomi,

“Uma iha mundu no Lalehan” - Fiar: Iha Evangelho ohin, Jesus haklaken ba Ninia eskolante sira katak nu’udar feto ida atu tur ahi terus, ninia terus sei sai ksolok tanba ema ida moris ona ba mundu. Reflete: “Nune’e mos, hasoru esperiensia kanek sira ho kompromissu atu tuir Jesus ho fidelidade, sakrifisiu, serbisu no domin laran luak; ita sei haksolok iha ita-nia Uma Lalehan Rohan Laek.”

Iha tempu nebá, Jesus hateten ba eskolante sira, dehan: “Tebes, tebes, Ha’u dehan ba imi katak imi sei tanis no laran susar, maibé mundu sei haksolok; imi sei sai neon sala, maibé imi nia neon sala sei nakfila ba ksolok.

Wainhira feto ida atu tur ahi, nia neon sala basá nia oras to’o ona; maibé, tur ahi hotu tiha, nia haluha ona nia terus hodi haksolok tamba ema ida moris ona ba mundu. Nune’e mós, oras ne’e imi neon sala; maibé Ha’u sei haré fali imi, no imi nia fuan sei haksolok, no ema ida labele hasai housi imi ksolok ne’ebé imi hetan. Iha loron ne’e, imi sei la husu Ha’u buat ida tan. Tebes, tebes, Ha’u dehan ba imi, imi husu buat naran de’it ba Aman, Nia sei haraik ba imi hodi Ha’u nia naran.