DGEMs

Maluk sira mak Kristu hadomi,

“Jesus ninia Ascensaun” - Fiar: Evangelho ohin hatudu iventu Jesus sa’e ba Ninia Aman niniaReinu Lalehan. No, “Iha Ninia Naran, kontrisaun ba sala sira ne’ebé Maromak perdua atu nune’e hato’o ba nasaun hotu-hotu.” Reflete: Jesus Ninia Ascensaun loke odomatan ba lalehan ba fiar-nain sira hotu. Ita preparadu atu tama ba Reinu Lalehan wainhira ita mate, ka ita sei iha afeksaun ba mundu ninia sasan sira?”

Iha tempu nebá, Jesus lia tun ba eskolante sira dehan: “Hakerek nanis ona katak Kristu sei hetan terus no, liu loron tolu, sei moris hi’as. Hodi nia naran sei haklaken ba nasaun hot-hotu laran moras no perdua ba sala sira ba ema hot-hotu. Hahú housi Jerusalem, imi sei sasin kona-ba buat hirak ne’e. 

Ha’u sei haruka ba imi Ida ne’ebé ha’u Aman hakotu tiha ona; hela lai iha sidade laran ba to’o imi hafutar an ona ho kbiit housi leten.” 

Hafoin Jesus lori sira to’o besik Betania. Iha nebá, Nia foti liman, hodi haraik bensa ba sira. Wainhira Nia sei fó bensa dau-daun, Nia haketak an housi sira, hodi sa’e ba lalehan. Sira hakneak iha Nia oin, hafoin sira fila ho ksolok boot ba Jerusalem. Loron loron sira halibur iha templu, hodi hahi hanai Maromak.