6a Semana Tempu Páscoa: Kuarta-feira, loron 28 fulan Maiu 2025, May 28, 2025

Reflection on the WORD

Maluk sira mak Kristu hadomi,

“Espírito Lialos” - Fiar: Iha Evangelho ohin, Jesus haklaken, “Espírito Santo sei fó glória mai Ha’u. Nia sei fó sai ba imi buat ne’ebé Nia rona husi Ha’u.” Reflete: “Espírito Santo sei fó roman no kbiit mai ita ho sabedoria, wainhira ita buka atu hatene, hadomi no serví Jesus, nu’udar ita-nia maksoin no Na’i.” Ita esperiensia ona realidade ne’e?

João 16:12-15

Iha tempu nebá, Jesus Ninia lia tuna ba eskolante sira dehan, “Ha’u sei iha tan buat barak atu hateten ba imi, maibé oras ne’e imi la bele simu hotu. Wainhira Espírito lialos nian mai, Nia sei hanorin lialos tomak ba imi; basá Nia sei la koalia hodi nia naran rasik, maibé sei hateten buat ne’ebé Nia rona, hodi fo sai ba imi buat nebe sei mosu aban bainrua. 

Nia sei fó glória mai Ha’u, basa nia sei simu buat nebe Ha’u nian no sei fó hatene ba imi. Ha’u Aman nia sasan tomak, Ha’u nian mós; tan ne’e mak Ha’u dehan katak Nia simu buat ne’ebé Ha’u nian hodi fó hatene ba imi.” 

Today's Pointers on God's Word

As you read the passage what words, phases or meanings caught your attention?

  • Iha Evangelho ohin Jesus haktuir mai ita karak Espírito Santo husi Kristu Ninia moris hias sei hatudu Maromak Ninia lialos mai ita se ita-nia fuan sira nakloke ba Ninia dalan sira no lialos. 
  • Wainhira ita esperiensia Maromak Ninia lialos ita sei esperiensia liberdade husi ita-nia dúvida, iluzaun, no tauk iha moris ne’ebé mai husi valores falsas husi mundu ne’e nian. 
  • Mai ita harohan ba grasa sira atu iha sensibilidade ba Maromak Ninia Espirito atu nune’e ita kontinua hakaas an ho sinceridade hodi moris iha dalan Kristu nian liu-husi kompaissaun, domin, justisa, no lialos ba ema seluk lorloron.