DGEMs

Maluk sira mak Kristu hadomi,

“Espírito Santo - Lialos Salvasaun”: Iha Evangelho ohin, Jesus haklaken, “Ksolok-Nain, Espírito Santo, sei hanorin imi buat hotu-hotu no halo imi hanoin falibuat tomak ne’ebé Ha’u hateten ona ba imi.” Reflete: “Espírito Santo sei prezerva Lialos husi Jesus Ninia Liafuan Di’aktinan ba tinan; basá ne’e mak Maromak Ninia Planu de Salvasaun. Ita labele depende ba ita-nia kapasidade humana tanba ita inseguru, sala nain no foti an.”

Jesus lia tun ba eskolante sira: “Ema ne’ebé hadomi Ha’u sei halo tuir Ha’u liafuan, no Ha’u Aman sei hadomi nia; Ami sei mai iha nia, hodi horik ho nia. Ema ne’ebé la hadomi Ha’u la halo tuir Ha’u nia liafuan; no liafuan ne’ebé imi rona dau-daun  la’os Ha’u nian, maibé mai housi Aman ne’ebé haruka Ha’u mai.” 

“Ha’u hateten lia hirak ne’e ba imi wainhira Ha’u sei hela ho imi; maibé Ksolok Na’in, katak Espírito Santo, ne’ebé Aman sei haruka hodi Ha’u nia naran, sei hanorin imi buat hothotu, hodi halo imi hanoin fali buat tomak ne’ebé Ha’u hateten ona ba imi. Dame Ha’u husik ba imi, Ha’u nia dame Ha’u fó ba imi; la’os hanesan mundu fó mak Ha’u fó ba imi. Keta laran susar ba; keta tauk ba.