5a Semana Tempu Páscoa: Sábadu, loron 24 fulan Maiu 2025, May 24, 2025
Reflection on the WORD
Maluk sira mak Kristu hadomi,
“Fiar - Kompromissu”: Iha Evangelho ohin, Jesus haklaken, “Atan ida la boot liu nia na’in. Sira fó terus Ha’u karik, sira sei fó terus mós ba imi.” Reflete: “Wainhira ita hasoru dezafiu sira iha ita-nia fiar, ezemplu, rejeisaun husi família, belun tanba ita-nia domin ba Jesus, oinsa ita responde? Ita husu Jesus ninia forsa no sabedoria?”
João 15:18-21
Iha tempu nebá, Jesus lia tun ba eskolante sira dehan, “Mundu odi imi karik, imi hatene ba katak nia odi Ha’u uluk liu imi. Imi mundu ne’e nian karik, mundu sei hadomi imi nu’udar ninia an rasik; maibé, tan imi la’os mundu ne’e nian, basá Ha’u fihir ona imi housi mundu, tan ne’e mak mundu odi imi.
Hanoin fali ba lia hirak ne’ebé Ha’u hateten ona ba imi: ‘Atan ida la boot liu nia na’in.’ Sira fó terus Ha’u karik, sira sei fó terus mós ba imi; sira halo tuir karik Ha’u nia liafuan, sira sei simu mós imi nian. Maibé sira sei halo buat ne’e hotu ba imi hodi Ha’u nia naran, basá sira la hatene Ida ne’ebé haruka Ha’u mai.
Today's Pointers on God's Word
As you read the passage what words, phases or meanings caught your attention?
- Iha Evangelho ohin Jesus bolu atensaun ba ita katak se ita pertense ba Nia no la’o-tuir Ninia doutrina, mundu ne’ebe odia Nia sei rejeita ita.
- Maibé, se ita hili atu pertense ba mundu no ajusta ita-nia domin ba Jesus no Ninia doutrina sira, ita hala’o moris kontráriu no hamosu konfuzaun. Ita senti dame superfisial.
- Mai ita harohan husu korajen no forsa ne’ebe ita presiza atu hala’o-moris tuir Jesus Ninia dalan. Ita sei presiza Maromak Ninia grasa wainhira ita hasoru tentasaun no exame husi mundu sekular ne’ebe hadook ita husi Jesus.