DGEMs

Maluk sira mak Kristu hadomi,

“Jesus - Salvasaun eterna” - Fiar: Iha Evangelho ohin, Jesus haklaken, “Keta laran taridu resin. Fiar iha Maromak no fiar iha Ha’u. Ha’u ne’e dalan, lialos no moris.” Reflete: “Ita preokupadu ho dejeju mundu sekular; no ita lakon atensaun kona-ba propozitu loloos iha ita-nia moris? Ita hakarak simu Prezente Salvasaun Eterna husi Jesus, wainhira ita mate?”

Iha tempu nebá, Jesus hateten ba eskolante sira, “Imi neon keta laran taridu resin. Imi fiar iha Maromak, fiar mós iha Ha’u. Iha Ha’u Aman nia uma iha fatin wa’in. Lae karik, Ha’u dehan ba imi katak Ha’u ba hadia fatin ba imi?’ Wainhira Ha’u ba ona hodi hadia ona fatin ba imi, Ha’u sei fila hikas mai hodi lori imi ho Ha’u; nune’e, iha fatin ne’ebé Ha’u hela, imi mós sei hela ba. Ba fatin ne’ebé Ha’u atu ba, imi hatene ona dalan.” 

Tomé dehan ba Nia: “Na’i, ami la hatene Ita ba los ne’ebé ; oin sa ami bele hatene dalan?” Jesus hateten ba nia: “Ha’u ne’e dalan, lialos no moris. Ema ida la liu karik housi Ha’u, nia la bele hakbesik Ha’u Aman.