DGEMs

Maluk sira mak Kristu hadomi,

“Jesus, atan haraik-an” - Fiar: Iha Evangelho ohin, Jesus fase eskolante sira-nia ain antes ‘Ninia Han-Kalan Ikus’ ho sira. Nia sofre no mate loron tuir-mai. Reflete: “Ita-nia relasaun ho Jesus klean? Ita hala’o ita-nia fiar ho haraik an: liu-husi halo sakrifisiu, serví generozu, no sai sasin nakonu ho korazen ba Jesus ninia Liafuan Di’ak?”

Iha tempu nebá, wainhira fase hotu eskolante sira-nia ain, Jesus lia tun ba sira, dehan, “Tebes, tebes, Ha’u dehan ba imi: ‘Atan ida la sai boot liu fali nia na’i; no manuain la boot liu fali ida ne’ebé haruka nia.’

Imi komprende buat ne’e karik, ksolok ba imi wainhira imi halo tuir. La’os kona-ba imi hotu mak Ha’u koalia; Ha’u hatene Ha’u fihir se, maibé atu escritura ne’e sei tuir los: ‘Ema ne’ebé han paun hamutuk ho Ha’u foti ona nia ain tuban hasouru Ha’u.’ 

Ha’u dehan buat hirak ne’e kedas ba imi, molok nia mosu, atu wainhira buat ne’e mosu duni, imi bele fiar katak Ha’u mak Ha’u. Tebes, tebes, Ha’u dehan ba imi: ema ne’ebé simu ida ne’ebé Ha’u haruka simu Ha’u; no ida ne’ebé simu Ha’u, simu Ida ne’ebé haruka Ha’u mai.”