DGEMs

Maluk sira mak Kristu hadomi,

“Hadomi Jesus Pessoalmente” - Fiar: Iha Evangelho ohin, Jesus haklaken ba Ninia eskolante sira, no ita hotu. “Halo tuir Ha’u-nia Ukunfuan sira no hela iha Ha’u-nia domin; atu nune’e Ha’u niaKsolok hela iha imi, no imi nia ksolok sai loloos.” Reflete: “Jesus konvida ita atu hadomi Niapessoalmente no hakonu an ho Ninia Ksolok; liu-husi halo-tuir Ninia Ukunfuan sira no hadomi malu lorloron.”

Jesus lia tun ba eskolante sira dehan, “Nu’udar Aman hadomi Ha’u, nune’e mós Ha’u hadomi imi; hela iha Ha’u nia domin ba. Imi halo tuir Ha’u nia ukunfuan sira karik, imi sei hela iha Ha’u nia domin; nu’udar Ha’u mós halo tuir Ha’u Aman nia ukunfuan sira no hela iha Nia domin.” “Ha’u dehan sai lia hirak ne’e ba imi atu Ha’u nia ksolok hela iha imi no imi nia ksolok sai lolos. Ha’u nia ukunfuan mak ida ne’e: imi hadomi malu nu’udar Ha’u hadomi tiha imi. 

Ha’u la bolu ona imi atan, basá atan la hatene nia na’in halo sa; maibé Ha’u bolu imi belun, tan Ha’u fó hatene ona ba imi lia hotu ne’ebé Ha’u rona housi Aman. La’os imi mak fihir Ha’u, maibé Ha’u mak fihir imi, hodi haruka imi ba atu ba fó fuan, no imi nia fuan hela ba nafatin, nune’e buat hotu ne’ebé imi husu ba Aman hodi Ha’u naran, Nia sei haraik ba imi. Ha’u haruka imi: hadomi malu.”