DGEMs

Maluk sira mak Kristu hadomi,

“Paun Moris Loloos” - Fiar: Iha Evangelho ohin, Jesus haklaken, “Ha’u mak Paun Moris. Ema ne’ebé hakbesik ha’u sei la hamlaha tan; no ema ne’ebé fiar iha ha’u sei la hamrook tan.” Reflete: Ita-nia fiar iha Kristu sinceru no klean? No ita valoriza Sakramentu Eukarístiku, nu’udar Prezenti Divinu Preciozu ka ita foti Jesus ninia Lialos baibain de’it?”

Ema lubun boot hasa’e lia ba Jesus: “Sinal sa los mak Ita halo, atu ami haré hodi fiar ba Ita? Hahalok sa ida mak Ita halo? Iha rai fuik maran, ami nia bei ala sira han mana, tuir Escritura hateten: ‘Nia fó han sira ho paun ne’ebé tun housi lalehan.” 

Jesus hatan ba sira: “Tebes, tebes, Ha’u dehan ba imi katak la’os Moises mak fó ba imi paun housi lalehan; maibé Ha’u Aman mak fó ba imi paun los housi lalehan. Basá Maromak nia paun mak ida ne’ebé tun housi lalehan hodi fó moris ba mundu.” 

Sira dehan ba Nia: “Na’i, haraik nafatin paun ne’e mai ami.” Jesus hatan ba sira: “Ha’u mak paun moris nian. Ema ne’ebé hakbesik Ha’u sei la hamlaha tan; no ema ne’ebé fiar iha Ha’u sei la hamrook tan.