DGEMs

Maluk sira mak Kristu hadomi,

“Jesus - Messias”: Iha Evangelho ohin, João Batista haklaken katak Messias mai husi lalehan atu fo sasin kona-ba buat sira ne’ebé Nia haré no rona ona...Ninia sasin haktuir katak Maromak mak Loos. Reflete: “Ita-nia neon no fuan loloos nakloke ba Maromak ninia lialos? Nia oferese Ksolok Rohan Laek! Ita preokupadu ho atrasaun superfisial husi mundu sekular nian?

João Batista dehan ba ninia eskolante sira: ‘Ida ne’ebé mai housi leten, Nia iha ema hotu nia leten. Ida ne’ebé mai housi rai, rai ne’e nian, nia koalia kona-ba rai. Ida ne’ebé mai housi lalehan, nia aas liu hotu. Nia fó sasin kona-ba buat ne’ebé Nia haré no rona, maibé ema la simu nia sasin. Ema ne’ebé simu nia sasin hatudu lo-los katak Maromak koalia lialos. Basá ida ne’ebé Maromak haruka, Nia fó sai Maromak nia liafuan, basá Maromak la haraik Espírito hodi sukat de’it. 

Aman hadomi Oan Mane no saran ba Nia liman buat hothotu. Ema ne’ebé fiar iha Oan Mane hetan moris rohan laek; maibé ema ne’ebé lakohi rona Oan Mane sei la haré moris, no Maromak nia laran nakali horik iha nia.