DGEMs

 Maluk sira mak Kristu hadomi,

“Sasan Mundu no Lalehan nian” - Fiar: Iha Evangelho ohin, Jesus haklaken ba Nicodemos katak se imi la fiar Ha’u wainhira Ha’u kolia kona-ba sasan mundu nian, oinsa mak imi bele fiar Ha’u wainhira Ha’u kolia kona-ba sasan lalehan nian?” Reflete: “Harohan husu Espírito Santo ninia roman, atu inspira, hakbiit, no guia ita atu hala’o moris ho discernimentu hodi nune’e moris sentraliza iha Kristu, la’os ita-nia an.”

Jesus dehan ba Nicodemos, Keta hakfodak tamba Ha’u dehan ba o, ‘Imi tenki moris fali housi leten .’ Anin hu’u ba fatin ne’ebé nia hakarak; o rona nia lia, maibé o la hatene nia mai housi ne’ebé no nia ba ne’ebé. Nune’e mos ho ema hotu ne’ebé moris housi Espírito.” Tebes, tebes, Ha’u hateten ba o katak ami koalia kona-ba buat ne’ebé ami hatene, hodi fó sasin kona-ba buat ne’ebé ami haré ona; maibé imi la simu. Ha’u koalia kona-ba sasan mundu ne’e nian karik, no imi la fiar Ha’u; oin sa mak imi bele fiar wainhira Ha’u koalia kona-ba sasan lalehan nian? Ema ida la dauk sa’e ba lalehan; maibé Ida de’it ne’ebé tun housi lalehan, katak Oan Mane. Nu’udar Moises foti samea iha rai fuik maran, nune’e mos ema tenki foti Oan Mane, atu ema hotu ne’ebé fiar iha Nia bele hetan moris rohan la’ek.