DGEMs

 Maluk sira mak Kristu hadomi,

“Divina Mizerikordia” - Fiar: Iha Evangelho ohin, Kristu Ressuscitadu mosu ba apóstolu sira; inklui Tomé ne’ebé la fiar katak Jesus moris hias. Reflete: “Iha Jesus ninia DivinaMizerikordia no kompaixaun, Nia sempre besik ho kada ita pessoalmente; haensan Nia halo ba Tomé. Ita konsiente ho Lialos kona-ba Jesus; iha ita-nia terus, ksolok no esperansa?”

Tomé, sira na’in sanulu resin rua ne’e ida, ne’ebé ema hanaran Kaduak, la hamutuk ho sira wainhira Jesus mosu. Tan ne’e, eskolante sira hateten ba nia: “Ami haré ona Na’i!” Maibé nia hatan ba sira: “Ha’u la haré karik besi kusan nia kuak iha Nia liman, la tau karik ha’u nia limanfuan iha besi kusan fatin, no la hatama karik ha’u nia liman iha nia  sorin, ha’u sei la fiar.” 

Liu tiha loron ualu, eskolante sira halibur fali iha uma laran. Tomé mos hamutuk ho sira. Odamatan sei taka hela, Jesus mosu hodi hamriik iha sira leet dehan: “Dame hela ho imi!” Hafoin Nia hateten ba Tomé: “Lori o nia limanfuan mai, no haré Ha’u nia liman; lolo o nia liman hodi hatama iha Ha’u nia sorin. O keta laran tos, maibé fiar!” Tomé hatan dehan ba Nia: “Ha’u Na’i, ha’u Maromak!” Jesus lia tun teni ba nia: “O fiar tan o haré tiha Ha’u? Ksolok ba sira ne’ebé fiar maski la haré.”