DGEMs

 Maluk sira mak Kristu hadomi,

“Na’i Moris-Hias - iha Rate” - Fiar: Iha Evangelho ohin, Jesus husik-hela evidencia sira, no anju nain 2 haklaken Ninia Moris Hias iha rate. Maibé, apóstolo nain sanulu resin ida dúvida ho Jesus ninia Moris-Hias. Reflete: “Ita iha dúvida ba Liafuan Di’ak kona-ba Jesus ninia Moris Hias? Se la’e, entaun, ita sei fixadu ba atrasaun material sira husi mundu laiku?”

Iha loron uluk semana nian, iha rai hun mutin, sira ba to’o rate hodi lori mina morin ne’ebé sira hadia. Sira hetan fatuk duir tiha ona housi rate. Tama tiha iha laran, sira la hetan Na’i Jesus nia isin. Sira sei hanoin hela, ema na’in rua ho unuk nabilan mosu ba sira. Tan feto sira tauk hodi hakru’uk ba rai, ema sira ne’e dehan ba sira: “Tansa imi buka ema moris iha mate sira le’et? Nia laiha ne’e; Nia moris hi’as ona! Imi hanoin fali wainhira Nia koalia ba imi wainhira Nia sei iha Galileia dehan: ‘Ema sei saran Oan Mane ba ema maksalak sira liman ne’ebé sei hedi Nia ba krus; no liu loron tolu Nia sei moris hi’as?.” 

No sira hanoin fali Jesus nia liafuan sira. Fila tiha housi rate, sira ba haktuir buat hirak ne’e hotu ba sira na’in sanulu resin ida no ba sira seluk hotu. Feto sira ne’e mak Maria Madalena, Joana ho Maria, Tiago nia inan, nomos sira seluk ne’ebé la’o hamutuk ho sira. Sira haktuir ba apóstolu sira buat hirak ne’e. Maibé sira rona nudar lia bulak, tan ne’e sira la fiar. Maibé Pedro hamriik hodi ba lalais rate. Hakru’uk tiha, nia haré hena sira de’it. Nia fila fali ba uma, hodi hakfodak ho buat ne’ebé mosu tiha.