DGEMs

 Maluk sira mak Kristu hadomi,

“Kontrisaun - Sinceridade” - Fiar: Iha Evangelho ohin, Maria arepende tebes ba nia salan sira liu-husi ninia arependimentu jenuínu. Maibé, Judas laiha sinceridade iha ninia intensaun sira atu uza osan husi mina-morin ba ema kiak sira. Reflete: “Ita-nia domin ba Jesus klean no leal (sincero)? Ita arepende lolos wainhira ita husu Maromak ninia perdaun laranluak no iha tempu ita halo konfessa?”

Loron neen molok festa Páscoa, Jesus ba Betania. Lazaro ne’ebé Jesus halo moris hi’as housi mate horik iha neba. Sira fó han Jesus. Lazaro han hamutuk ho Nia. Marta serbí meja. Maria fali hola mina morin litru ida ho folin boot hodi kose no hamaran Jesus nia ain ho nia fuuk, to’o mina nia morin hakonu uma laran tomak. 

Eskolante sira ida, Judas Iscariotes, Simão nia oan, ida ne’ebé atu saran Nia, husu: “Tansa ita la fa’an mina morin ne’e ba denariu atus tolu, hodi fó osan ba ema kiak sira?” Nia hateten ne’e la’os tan nia hanoin ema kiak sira, maibé tamba nia naokten ida; nia kaer bornal no dala barak nia foti osan ne’ebé ema tau ba.

Jesus dehan: “Husik nia ba, basa lolos nia sei halo ne’e ba loron ema hakoi Ha’u; ema kiak sira imi sei iha nafatin, maibé imi sei la iha Ha’u ba nafatin.”