DGEMs

Maluk sira mak Kristu hadomi,

“Determinadu atu oho Jesus” - Fiar: Iha Evangelho ohin, Judeu sira no amlulik boot determinadu atu oho Jesus tanba, “ema hotu sei fiar iha Nia.” Reflete: autoridade ninia tauk mai husi inseguransa iha fiar ne’ebé sentraliza ba sira-nia an no serví sira-nia an. Sira tauk lakon adeptus no tauk atu moris-tuir Jesus ninia Lialos.”

Sira balun ba fó hatene ba Farizeu sira buat ne’ebé Jesus foin halo. Amlulik boot sira no Farizeu sira halibur hamutuk hodi dehan: “Ita atu halo sa los tan ema ne’e halo milagre barak? Ita husik nia nune’e karik, ema hotu sei fiar Nia, hafoin Romano sira sei mai hasai housi ita ita nia templu ho nasaun tomak.” 

Maibé sira ida, naran Kaifas, amlulik boot ba tinan neba, hateten ba sira: “Imi la hatene buat ida! Imi la hatene katak, di’ak liu ba imi ema ida de’it mak mate ba povu, liu fali nasaun tomak lakon!” Nia la dehan ne’e tan nia an rasik, maibé tamba nia mak amlulik boot iha tinan ne’e; nia si’ik katak Jesus sei mate tan nasaun no la’os ba nasaun de’it, maibé atu halibur hamutuk ho neon ida de’it Maromak nia oan sira namkari lemo rai. Hahú housi loron ne’e, sira futu lia atu oho Nia.