DGEMs

Maluk sira mak Kristu hadomi,

“Jesus-Maromak Oan” - Fiar: Iha Evengelho ohin, Jesus haklaken ba Judeu sira katak “Ha’u Maromak nia Oan” no Judeu sira kaer fatuk atu tuda Nia tan Ninia liafuan. Reflete: “Ita taka no destroi sentidu no propózitu lolos iha ita-nia moris liu-husi hadook ita-nia an husi hatene, hadomi no serví Jesus ita-nia Maksoin?”

Dala ida tan Judeu sira kaer fatuk atu tuda Jesus. Nia dehan ba sira: “Ha’u hatudu ona ba imi hahalok di’ak barak ne’ebé mai housi Aman: tan hahalok ida ne’ebé mak imi tuda Ha’u?” Judeu sira hatan ba Nia: “Ami la tuda O tamba hahalok di’ak ruma, maibé tamba O koalia aat Maromak; tamba maski O ema deit, O halo an Maromak.” 

Jesus husu sira: “La hakerek iha imi nia ukunfuam, ‘Ha’u dehan, imi sira ne’e maromak’? Ne’e duni, ukunfuan hanaran ‘maromak’ ema sira ne’ebé Maromak nia liafuan to’o tiha, no ema ida labele halakon escritura, maibé ba Ida ne’ebé Aman halo santu hodi haruka ba mundu, imi dehan ‘O koalia aat Maromak; tamba Ha’u dehan ‘Ha’u Maromak nia Oan’? Ha’u la halo karik Ha’u Aman nia hahalok, keta fiar Ha’u ba. Maibé, Ha’u halo karik, maski imi lakohi fiar Ha’u, fiar Ha’u nia hahalok sira ba atu imi bele hatene no komprende katak Aman hela iha Ha’u no Ha’u iha Aman.”