DGEMs

Maluk sira mak Kristu hadomi,

“Perspektivu kona-ba Jesus - Fiar”: Iha Evangelho ohin, ema lubun boot no guarda sira haksesuk malu kona-ba Jesus ninia identidade, no laiha ema ida kaer nia. Reflete: “Ita hotu fiar iha Jesus nu’udar ita-nia Na’i no Messias. Maibé, ita monu ba salan atu moris-tuir Maromak nia ukunfuan hodi fó sasin ba Jesus ninia identidade; iha ita-nia moris lorloron. Ema la hetan inspirasaun atu fiar iha Jesus, tanba ita-nia sasin mukit kona-ba Nia?”

Wainhira sira housi ema lubun boot rona liafuan hirak ne’e, balun dehan: “Ema ne’e profeta tebes duni.” Balun dehan fali: “Nia mak Messias.” Maibé seluk dehan: “Messias mai housi Galileia karik? Escritura la dehan katak Kristu mak David nia bei oan no mai housi Belem, David nia knua?”

Ne’e duni, sira fahe malu kona-ba Nia. Ema balun hakarak rasik kaer Nia, maibé ema ida la tau liman ba Nia. Guarda sira fila fali ba amlulik boot no Farizeu sira, ne’ebé dehan ba sira: “Tansa imi la lori Nia mai?” Guarda sira hatan: “Ema ida seidauk koalia hanesan ema ne’e!” Farizeu sira husu fali ba sira: “Nia dada ona imi mos karik?”