DGEMs

Maluk sira mak Kristu hadomi,

“Falsidade iha Fiar”: Iha Evangelho ohin, Jesus senti iritadu, chama atensaun ba Judeu sira katak sira-nia falsidade iha sira-nia fiar iha Maromak nu’udar haklaken husi Moises, no katak Nia mak Messias. Reflete: “Ita buka ‘maromak’ seluk iha rikusoin, glorifika an, auto-gratifikasaun, liu-fali hadomi, buka no serví Maromak, ne’ebé fó moris rohanla’ek?”

Ha’u mai hodi Ha’u Aman nia naran, no imi la simu Ha’u; ema seluk mai karik hodi nia naran rasik, imi sei simu nia. Imi bele fiar oin sa, imi ne’ebé simu glória housi imi maluk sira, maibé la buka glória ne’ebé mai housi Maromak mesak? 

‘Keta hanoin katak Ha’u mak sei du’u imi ba Aman; iha ida ne’ebé sei duu imi: Moises ne’ebé imi tau imi nia esperansa. Imi fiar Moises karik , imi sei fiar mos Ha’u, tamba nia hakerek kona-ba Ha’u. Maibé, imi la fiar karik buat ne’ebé nia hakerek, oin sa mak imi bele fiar Ha’u nia liafuan?’