DGEMs

Maluk sira mak Kristu hadomi,

“DGEMS ninia Aniversáriu ba dala-25”: Loron ohin DGEMS selebra tinan 25! Ita espera no harohan atu DGEMS bele tulun ona ema barak hakle’an sira-nia fiar, esperansa no domin ba Maromak.” Reflete: “Kada ema iha necessidade no dezafiu sira ne’ebé diferente, maibé ita-nia necessidade no ksolok boot liu hotu mak fiar iha Jesus, ne’ebé fó Salvasaun Rohan La’ek no Ksolok”.

Ne’e liu tiha, Jesus sa’e fali ba Jerusalem, iha ne’ebé Judeu sira halo festa. Iha Jerusalem, besik odamatan bibi sira nian, iha pisina ida naran Betesda iha lia Ebreu, ho portiku lima. Iha neba ema moras barak tur hela: ema matan delek, ain aat no isin mate sira; 

Iha mos ema moras ida ne’ebé moras tinan tolu nulu resin ualu ona. Hare nia tur iha neba, hodi hatene katak nia moras kleur teb-tebes ona, Jesus husu ba nia: “O hakarak hetan isin diak?” Ema moras ne’e dehan: “Na’i, ha’u la iha ema atu hatama ha’u iha pisina laran; wainhira ha’u tun ba be, ema seluk tama tiha ona uluk liu ha’u.” Jesus dehan ba nia: “Hamriik ba, kaer o nia toba fatin hodi la’o ba.” Ema ne’e hetan kedas isin di’ak. Nia foti nia toba fatin hodi la’o ba. Loron ne’e loron Sábadu. Tuir mai, Judeu sira hahú duni Jesus, tamba Nia halo buat hirak ne’e iha loron Sábadu.